سيده القمر الاسود

هدومي وأمشي انا مبقتش خلاص متحمله اي كلام من حد
اشارت لها دولت هانم بالجلوس وهي تقول بحزم
حبيبه انا مقصدش بكلامي اني اهينك ..بالعكس انا عوزاكي تعرفي اني مقدره انك اتربيتي من غير ام واب يوجهوكي ويعرفوكي الصح من الغلط
وكمان انا مش بغلطك لواحدك لا ..انا بغلط حفيدي كمان وحاطه الغلط الاكبر عليه لان هو الراجل والي بأيده القرار
وكمان انا عارفاه كويس وعارفه هو يقدر يعمل ايه لو حط في دماغه انه ينفذ حاجه هو عاوذها وعشان كده انا صممت انه يعلن جوازكم لان غلطه اكبر من غلطك
ثم تابعت بهدوء
انا مش هقدر اتحمل ذنبك قدام ربنا لو اتحاملت عليكي ورفضت جوازك من حفيدي وعوذاكي تعرفي ان انا هديكي فرصه جديده و اتمنى من كل قلبي انك تستغليها ..
ثم تابعت بحزم
انا هنسى غلطة الجواز العرفي و العك الي حصل ده كله و هبقى زي والدتك بالظبط ..و هساعدك علشان تتأقلمي على عيشتنا ومتطلباتها وهقف معاكي في اي حاجه تحتاجيها مني ..
وكل الي بطلبه منك قصاد ده انك تصوني عمر وتحبيه وتكوني له
الزوجه الي انا طول عمري بحلم
بيها له ..
ثم اسطردت بحنان
عمر تعب وشقى و إتجرح وشاف كتير في حياته ويستحق ان الي يتجوزها تحبه لشخصه مش لفلوسه
او مركزه و تعوضه عن التعب الي تعبه في حياته لحد ما وصل للي هو فيه وانا عارفه انك انتي بتحبيه بجد وهتصونيه
ثم ابتسمت بتسامح وهي تشير لحبيبه

متزعليش مني يا حبيبه بس انا كان لازم اصارحك بكل الي جوايا علشان نبتدي عشرتنا مع بعض بشكل صحيح
ثم نظرت لحبيبه وهي تبتسم بحنان
بطلي عياط بقى عنيكي هتبوظ يا عروسه وتعالي أوريكي انا بحضر ايه لفرحك انت وعمر ..دا ناويه اخلي البلد تحكي عنه لسنين قدام
إبتسمت حبيبه بارتجاف وهي تشعر بحب هذه السيده الطيبه يتمكن أكثر وأكثر من قلبها
بعد مرور اسبوعين في صباح يوم الزفاف..
وقفت عصمت هانم في غرفتها تصرخ في ابنتها پغضب شديد
شفتي يا غبيه اهو كل حاجه ضاعت بسبب غبائك وتصرفاتك الزباله
مي پغضب
يوووه وانا مالي ياماما هو انا الي كنت قلتله يتجوزها
جذبتها عصمت من زراعها پعنف
ماهو لو كنتي سمعتي كلامي مكنش حتة خدامه ولا تسوى قدرت تبقى حرم عمر بيه الرشيدي والفلوس الي ملهاش اول من اخر دي تبقى كلها ملكها
ثم تابعت بغل ..
بس خلاص انتي بقيتي كرت محروق ولازم اتصرف قبل ما كل حاجه تروح من ايدينا
مي پغضب
يعني هتعملي ايه ما خلاص كتبوا الكتاب والفرح هيتعمل النهارده
عصمت پغضب وغل تحاول السيطره عليه
زي ما إتجوزت تتطلق والا انتي فاكره اني هاسيبها كده تتهنى بكل ده واحنا قاعدين نتفرج عليها
ليقاطعها ارتفاع رنين هاتفها عصمت پغضب...
جيلان ابو الفضل ودي ايه الي فكرها بينا دي
مي بفضول
مش دي الي كانت خطيبة عمر وسابته.. يا ترى بتتصل ليه..مش
كانت إتجوزت وخلصنا منها
اشارت لها عصمت بالصمت وهي ترد عل الهاتف بابتسامه كاذبه
يااااه اخيرا إفتكرتينا.. خمس سنين منشوفكيش ولا حتى نسمع صوتك. وحشتيني اوي يا جيجي..
رفعت جيلان حاجبيها باستهزاء الا انها اجابت بتكبر
إنتي الي وحشتيني اكتر يا عصمت هانم معلش إعزوريني انتي عارفه انا كنت مشغوله قد إيه
عصمت بسخريه مستتره
اه يا حبيبتي ربنا يكون في عونك
والبقاء لله.. انا طبعا معرفتش ان جوزك الله يرحمه ماټ الا من وقت قريب والا كنت اتصلت بيكي وعذيتك
ثم تابعت باستهزاء مكشوف
هو ماټ من سنه مش كده..انا عرفت انه كان انسان طيب ورغم سنه الكبير ..أوي...الا انه كان مدلعك وسابلك كل فلوسه
كتمت جيلان غيظها وهي تقول بتكبر واستعلاء
الله يرحمه..عصمت هانم انا بتصل بعمر ومش عارفه أوصل له ياريت تقوليله إن انا خلاص حجزت وهوصل مصر على الساعه تسعه بليل..وياريت يبعتلي العربيه على المطار
اشتعلت عصمت بالغيظ وهي تجيب
بمكر
معلش يا حبيبتي عريس بقى وفرحه النهارده و أكيد مشغول مع عروسته انا بنفسي هبعتلك العربيه بالسواق يجبوكي لحد هنا
أغمضت جيلان عينيها پغضب ثم تأملت پقسوه كارت الدعوه الانيق الذي تحمله بيدها ثم قالت پغضب مكتوم
ما أنا عارفه ومعزومه على الفرح كمان وعمر بنفسه الي مأكد عليا ان أحضر الفرح..
ثم تابعت بتكبر
اه ومتنسيش تحضريلي الجناح الي كنت دايما بقعد فيه..ما انا خلاص هستقر في مصر بس هقعد مع عمر في القصر لحد ما عمر يخلصلي تصفية التركه بتاعتي الي بره ويظبطلي اموري في مصر لانه هو الي متولي كل اموري الماديه...والغير ماديه ..
جزت عصمت على اسنانها وهي تقول بغيظ
وعمر عنده علم بالكلام ده انتي عارفه ان ده بيته وخلاص هيتجوز ويمكن الوضع ميكونش مناسب
ابتسمت جيلان وهي تقول بثقه
عمر بنفسه هو الي أصر

على كده انتي عارفه مهما حصل احنا منقدرش نستغنى عن بعض ..اه ..سلام يا عصمت هانم عشان يدوبك ألحق
اجهز نفسي..
اغلقت عصمت الهاتف بعد ان قالت بغيظ ..
سلام يا حبيبتي
مي پغضب
هي راجعه تعيش هنا ..هي نقصاها هي كمان
اشارت لها عصمت بالسكوت وهي تفكر بعمق ثم ابتسمت بانتصار
ترجع تنور القصر وكل طلباتها مجابه واكتر كمان
مي بفضول
تقصدي ايه يا ماما
عصمت بمكر
اقصد ان دي هي الي هتقدر تطرد الحيه الي اسمها حبيبه من القصر
مي بدهشه
واحنا هنستفيد ايه لو حبيبه اتطردت وجت جيلان واخدت مكانها
عصمت بارتياح
هنستفيد كتير بس استني وانتي هتشوفي بتفسك..يلا وريني الفساتين الي هنلبسها انا نفسي اتفتحت خلاص ..
ثم بدئت في قياس اكثر من فستان وهي
تدندن بسعاده ..
في مساء يوم الزفاف..
وقفت حبيبه في غرفة عمر أمام المرآه تتأمل بحزن ثوب الزفاف الابيض الملكي رائع الجمال الذي ترتديه..ثوب خيط خصيصا لها على يد اكبر مصممين الازياء في العالم يزينه تاج من الماس الابيض يتلئلاء ببريق أخاذ فوق حجابها الانيق الذي زادها جمالا فوق جمالها
عدلت دولت هانم من وضع الطرحه الطويله والمصنوع من التل الحريري الرائع وجعلتها تنسدل جيدا خلف الفستان وهي تقول بسعاده
بسم الله ماشاء الله ..زي القمر ..ربنا يحميكي من عيون الناس يا بنتي
ابتسمت حبيبه وهي تقول بحزن ..
ربنا يخليكي يا دولت هانم دا من زوقك
ربتت جدة عمر على يدها بحنان
هتزعليني منك والا ايه مش اتفقنا تقوليلي ماما دولت والا انا كبرت على كلمة ماما
حبيبه بلهفه
انا مقصدش..انا بس ..
الجده مقاطعه بمرح
مفيش بس انا من النهارده ماما دولت
ولو سمعت منك كلمة هانم دي ..هزعل منك بجد
ثم ابتسمت بسعاده وهي تشير للباب
وأدي عريسنا جه هو كمان الظاهر مقدرش يصبر وجه يشوفك بفستان الفرح
وقف عمر على باب الغرفه يتأمل حبيبه التي شعرت بالتوتر يتملكها فرفعت عينيها برهبه بالمرٱه لتتلاقي بعيني عمر الذي عجز عن اخفاء نظرات العشق الذي تملكه وهو يتأملها بإعجاب صارخ..
حبيبه..
رفعت حبيبه عينيها اليه بتوتر وهي تستمع لدولت هانم تقول بسعاده للاشخاص المسئولين عن اعداد حبيبه للزفاف
يلا يا جماعه تعالوا معايا خلينا نسيب العريس والعروسه لوحدهم شويه
ثم ربتت على زراع عمر بسعاده وهي تغادر الغرفه
تنحنح عمر وهو يتعمد جرحها خوفا من خروج مشاعره عن السيطره
مبروك يا عروسه بس مش شايفه ان اللون الابيض مش مناسب ليكي
ليضيف بسخريه
يعني الي سبق ليهم الجواز او ليهم علاقات قبل الجواز اظن بيلبسوا فساتين ملونه اكتر
لمعت عيون حبيبه بالدموع الا انها سيطرت عليها وهي تقول بتحدي
انا اكتر واحده تستاهل انها تلبس الابيض وانت عارف كده كويس ..
بس لو جيت للحقيقه في ناس تانيه يستهلوا يلبسوا اللون الاحمر إلي هيبقى انسب لون ليهم
رفع عمر حاجبه بتهكم
اللون الاحمر ...وده يبقى لون ايه بقى
حبيبه پغضب
لون بدلة الاعډام ..عقبال ما تلبسه جزاء الي عملته فيا
اقترب منها عمر بټهديد في حين تراجعت هي للخلف وهي تنظر في عينه بتحدي ليسحبها فجأه وهو يقول بتهكم
عوذاني أموت يا حبيبه ..يرضيكي اموت علشان حاجه رخيصه اوي كده
قطع لسانك انا عمري ما كنت رخيصه ولاحد لمسني غيرك واظن انت عارف انت عملت فيا ايه علشان تعمل عملتك القذره
ثم تابعت پغضب وشجاعه
انا مكنتش فاهمه انت هتكسب ايه من الكلام القذر الي بتقوله عليا خصوصا انك اكتر واحد بعد الي عملته المفروض يكون متأكد ان مفيش حد لمسني غيرك .. بس دلوقتي خلاص فهمت انت بتقول كده ليه.
ابتسم عمر پغضب
يا ترى ليه يا ست حبيبه
لكزته حبيبه بأصبعها پغضب في كتفه وهي تقول بشجاعه
علشان تداري على العامله القذره
الي عملتها فيا طبعا لازم تطلعني
شمال وليا علاقات عشان يبقى الي انت عملته فيا عادي ومتتحسبش عليه
نظر لها عمر مطولا دون ان يرد وهو يفكر بعنايه في كلماتها شديدة الثقه في برائتها وشرفها فهي تعتقد انه قد قام فعلا بمعاشرتها وانه متأكد من عزريتها و انه يتهمها بتعدد العلاقات للهروب من مسئولية ما فعله بها ..
ولكن السؤال الذي يشعره بالحيره ماذا كانت تفعل مع شريف في هذا المنزل المنعزل ولمدة شهر كامل ...هذا ما سيبحث عن اجابته وخصوصا انها تتهرب من الاجابه عليه..
حبيبه بدهشه وڠضب
انا بكلمك مبتردش عليا ليه والا الحقيقه بتوجع
ابتسم عمر بلطف وانطفئ جزء كبير من الڼار التي كانت تشتعل بداخله وقال بهدوء
عمر الحقيقه مابتوجع يا حبيبه
المهم يبقى عندنا شجاعه اننا نقولها
بهت وجه حبيبه وتوترت وهي تقول بترقب
تقصد ايه...
مرر

عمر إصبعه برقه على وجنتها و قربها منه بحنان ويده تمر على ظهرها بتطمين ليقول بأمل
إسمعي يا حبيبه حكايتنا دي كلها على بعضها ملخبطه..وانا متأكد ان فيه حاجات انتي مخبياها عليا وهو ده الي عامل سوء التفاهم ومخليني مش قادر أثق فيكي
انتي متعرفيش انا قد ايه عاوذ اثق فيكي واصدقك ..قسۏتي عليكي بتقتلني بس ڠصب عني ردود فعلي بتبقى عڼيفه وانا عقلي بيوديني لمليون احتمال كل احتمال منهم بيجنني..صارحيني يا حبيبه ومټخافيش ..مټخافيش ياحبيبتي
ثم ابعدها عنه قليلا وهو يقول بأمل
إيه رأيك نبتدي مع بعض من الاول.. إحكيلي على كل حاجه واوعدك مهما كان الي هتحكيه هسامحك وهاحاول اساعدك
نظرت حبيبه اليه بارتياب وهي تتذكر معاملته الرائعه معها في السابق ثم غدره المفاجئ بها.. عقلها يحذرها من الانجرار خلف قناع طيبته المفاجئه
لا لن تصدق طيبته المفاجئه ولن تثق فيه مره اخرى مهما فعل معها فهي متأكده انه لو علم الحقيقه لن يرحمها فهي تخشاه وبشده ويكفيها ما فعله بها حتى الان
فابتعدت عنه وهي تشعر بانسحاب الډماء من وجهها و قالت بتوتر خائڤ
أنا معنديش حاجه أخبيها ومش عاوذه ابتدي معاك لا من الاول ولا من الاخر ووفر حبك لنفسك وكفايه تمثيل عليا انا مش غبيه علشان اقع في نفس الفخ مرتين وعلشان تبقى عارف انا كمان كنت بمثل عليك يعني لابحبك ولا طايقه اشوفك .. يعني مش انت بس الي بتعرف تمثل
ثم تابعت بيأس
انا