روايه كامله الجزء 7
كده ياما..
امه قربت من راسه باستها بحب وقالتلا يا حبيبي متقولش كده علي نفسك وبعدين انت اللي كنت بتحبها وهيا ولا كانت حطاك في دماغها وانا علشان عارفه انك بتحاميلها دايما مردتش اقولك كده..
سيد هز راسه وقالصح ياما انتي عندك حق انا كنت معمي مش شايف ان انا الي كنت بحبها وهيا ولا معبراني!
امه بحنيهطيب يابني خلاص هيا ربنا صلح حالها يبق تفكر في نفسك وبس .
_______
في الصعيد صحيت ملوك كالعاده فطرت وجهزت نفسها علشان تروح للإسطبل كوثر قالت بجديه وهيا بتوقفها بلاش تروحي الإسطبل النهارده خليكي علشان تساعدي بنت نجلاء صاحبتي انتي عارفه ان فرحها الليله..
ملوك استجمعت ذاكرتها وقالت باستغراباساعدها ازاي مش فاهمه.
كوثر وهيا بتتكلم بجديهيعني تحطلها الميكياج بتاعها مش دي الحاجة الوحيده اللي انتي فالحه فيها..
كوثر هزت راسها وقالتهعمل ايه يعني انتي عارفه ان نجلاء عزيزه علي قلبي وبصراحه لما طلبت مني استأذنك تساعدي بنتها مقدرتش أقولها لأ..
ملوك ضمت عينيها وهيا بتبص لأمها بخبث وقالتيعني عايزاني اروحلهم البيت!
كوثر هزت راسها وقالتأيوا بس متعمليش الحركات اللي بيعملوها البنات اليومين دول هليكي هاديه ..
كوثر هزت راسها وبعدها ملوك جريت بحماس تجهز شنطتة الميكب علشان تروح لصحبتها..
في الحقيقه تمني تبق صاحبة ملوك ولان ملوك عارفه ان أمها مش هتسمحلها تروح هناك طلبت من تمني انها تخلي امها تضغط علي كوثر وتعرفها ان تمني اللي طلبه ملوك بالاسم..
ملوك جهزت بسرعه ونزلت وهيا شايله الشنطة وقبل ما تخرج وقفتها كوثر وقالتحاولي متتاخريش عندهم
ملوووك قالتها تمني بفرحة لما شافت صحبتها جتلها اخيرا ..
ملوك حضنتها بفرحة وهيا بتقولألف مبروك يا روح قلبي ايه الحلاوة دي كلها..
خجلت تمني من كلام ملوك فمسكت خدودها بمشاكسه وقالتوهبق احلي بعدما تخلصيلي الميك اب!!
ملوك حطت شنتطها علي السرير وقالتطبعا هتكوني احلي عروسه .. ملوك بصت حواليها وقالت بتساؤلهو مفيش حد هنا ولا ايه..
ضمت ملوك حواجبها بتساؤل وقالتوبيعملو ايه في البلكونه دول..تمني مسكت إيديها وقالتتعالي شوفي بنفسك..
ملوك مشيت وراها لحدما وصلت عند بقيت البنات اللي كانوا كلهم باصين في نفس الإتجاه قالت ملوك بتساؤلبتعملوا ايه يبنات.
البنات بصولها بابتسامه واسعه وقالوافي شاب حلو اوي يا ملوك معرفش ظهر امتي دا بس شكله مش من هنا بس ايه حاجة كده زي بتوع السيما..!
قالت بتساؤلوهو بيعمل ايه دا!
ردت بنت وقالت بضحك بيلعب رياضة شايفه عضلاته عاملة إزاي ..
بصت ملوك علي جسم زين وهيا بتددق النظر ليه واول مشافت عضلاته حست بقلبها بينبض بطريقه غريبه وقبل ما تبعد عينيها وتبص للبنات لقت عينيها جت في عينيه
بقلمي شيماء صبحي
يتبع
