قصه حلم حياتي

اللي كنت جايباه من فلوسي الخاصه انا هاجي اخده سكت شويه و هو بيقولي يعني ايه تاخديه انا ما كنتش عامل حسابي علي كده !
قلت له اه انت كنت عامل حسابك اني هعيش في علبه كبريت و بالتالي هسيب لك اللي اشتريته بس لسوء حظك انا جبت بيت كبير و بالتالي هاخد العفش اللي جبته كله و الاجهزه كمان 
طلب مني ابلغه قبلها بيومين عشان يعمل حسابه و يكون موجود قلت له هبلغك بس اعمل حسابك لو حاجه من حاجتي لقيت فيها خدش هبلغ الشرطه ! و اه انا عندي استعداد اروح المحاكم و اصرف علي المحاميين اضعاف قيمه شويه الخشب القديم و الاجهزه المستعمله لانها حاجتي و انا مش هفرط فيها !
بان علي صوته الانزعاج و هو بيقولي انه مستغرب ازاي افكر فيه انه ممكن يخون الامانه و يعمل حاجه زي كده 
صوت صرصور الحقل بعدها ابن كوم شكاير الامناء قالي حاجتي هتفضل سليمه 
و قفلنا 
تعديل 2
لقيت مكالمه من سيس 
ايه ده بنتي حبيبتي شالت البلوك و الله كتر الف خيرها !
رديت عليها و كانت مڼهاره من العياط و هي بتقولي نفس الاسطوانه بتاعه انهامش مصدقه اني اعمل فيها كده ! و اني امها !
قلت لها العمله دي ليها وشين للاسف زي ما انا كا ام مش المفروض اعمل كده انت كا بنتي ما كانت المفروض تستبدليني زي ما ابوكي عمل !
حده العياط زاد لدرجه اني ما كنتش قادره اميز هي بتقول ايه كلام كتير فهمت منه انها بس كانت بتحاول تراضي ابوها عشان مالهاش حته تعيش فيها خصوصا اني كنت عايشه في فندق و متوقع اعيش في شقه صغيره ! و انها ما قصدتش اي حاجه بانها امها 
قلت لها و انا ما قصدتش اضايقك لما اخدت فلوس الجامعه اللي محوشهالك جبت بيها بيت هل حاسه انك احسن دلوقتي هل حاسه ان الضرر اللي وقع عليكي اقل 
فضلت تعتذر و هي بتشهق وسط عياطها علي الرغم من ڠضبي قلبي وجعني لان شهقاتها وسط العياط دي كانت بتعملها و هي صغيره لما تتفلق قوي من البكاء و بالتالي بقيت واثقه انها فعلا مڼهاره !
قلت لها تبطل اعتذار لاني استقريت في البيت مش هبيعه و تدور علي طريقه تجيب بيها بقيت المصاريف او تخلي ماما الجديده تدفع لها 
و قفلت السكه 
تعديل 3 
رحت بعربيه نقل عفش و عمال عشان اخد حاجتي ستيفين و ليندا كانوا موجودين و لحسن الحظ تجنبوني 
كويس انا جايه في مهمه محدده 
كنت بشاور للعمال علي الحاجات الخاصه بيا و اكتشفت وقتها ان تقريبا كل الفرش بالديكور بالسجاد انا اللي
كنت جايباه ! بصراحه شديده البيت الجديد استلمته بالمطبخ كامل بس قررت اني اخد التلاجه لاني كنت انا اللي شارياها هتبرع بيها لاي اسره يمكن تحتاجها 
حتي قصاري الرزع الفخار في مدخل البيت ستيفن جاله ذهول و هو شايفني بشاور للعمال يشيلوها 
البيت بقي زلبطه !
في الوقت ده كانت موجوده حواليا كان باين عليها انكسار حقيقي و انا تجنبت ابص لها عشان ما تصعبش عليا 
في النهايه و قبل ما امشي مسكت ايدي و قالت لي انا اسفه هزيت راسي بتمام الا انها فضلت ماسكه ايدي و قالت لي انها جالها جواب الموافقه من جامعه احلامها بمنحه جزئيه و انها حبت تقولي ده عشان ما افتركش انها بتعتذر لانها محتاجه فلوسي 
حسيت بقلبي بيتعصر بس قلت لها اني بعد اللي عملته محتاجه مساحه و اني هحاول اغفر لها اللي عملته بس مش عارفه هاخد وقت اد ايه 
مشيت و ركبت عربيتي و هي واقفه معيطه في الجنينه اللي اصبحت خړاب و البيت اللي اصبح فاضي 
البيت ده في يوم كان كل حياتي بس دلوقتي انا رايحه ابدأ حياه جديده في بيت احلامي