نوفيلا بقلم الكاتبه اسراء ج1

فعبرتلها عن اعجابي بيها وافكرها بيا وطلبت رقم تليفونها فقالت انها مش من البنات دي وانه عيب الي بقوله والمفروض اتقي الله في بنات الناس وطلبت ابعد عنها ولما رفضت ابعد عنها هزقتني قدام الناس مستحملتش اهنتها وقمت واخد العصير الي قصدها وكبه عليها
فهديانهار الوان امال لو مش بتحبها كنت عملت ايه!
مازن اهو الي حصل
فهد طب كمل
مازن فقامت مزعقة هي والبنت الي كانت معاها فالشباب اعتذرلهم وشدوني ومشينا وفضلت متضايق اني عملت فيها كده بس مستحملتش تهزقني وزعلت اني معرفتش اعرف عنها حاجه وضاعت مني تاني ولما روحت ازور مدرس صحبي لقتها ډخله عنده ومعاها البنت بتاع الكافيه وهاله ولما عرفت انها هناك سالت عليها وطلعت زي ما توقعتها محترمه واخلاق وقعد يشكر فيها ولما تبعتها لقتها في اغلب الوقت مع هاله والبنت بتاع الكافيه فاستغليت الوضع وصحبت هاله عشان اعرف عن ميرا كل حاجه لكن لما ميرا شافت صوري مع هاله وحكتلها الي حصل في الكافيه ولما هاله سالتني حورت عليها وقولتلها انها غيرانه منها بس والغبيه اتخنقت مع ميرا خڼاقه جامده وكده مش هعرف حاجه عنها
فهد ياعم شويه ويتصلحوا بس ايه حكايه الدرس دا هي شغاله عند صحبك ولا ايه 
مازن لا دي بنتاخد عنده اصلها كانت في 3 ثانوي
فهد نعم ! انت عايز تفهمني الي بهدلتك البهدله
دي وعملت عشانها كل دا في ثانوي
مازن ما انا قايلك الفرق بينا 3 سنين
فهد مع اني مش مقتنع بالموضوع من اوله ومن اول الحاډثه مش من اول كلامك ليها بس اعمل الي يريحك دي حياتك وانت حر فيها هقوم انا بقي لحسن الموبيل اتفرتك من كتر المكالمات
مازن ايوا اعم احنا هنولعها النهارده سلملي علي احمد علي ما اجيله باليل
فهد اشطه اشوفك بالليل سلام
مازن سلام
في المساء بداخل صالون التجميل تقبع فتاه في غاية الجمال تقوم خبيرة التجميل بوضع اللمسات الاخيره لها
سهاد والده الفتاه خلصتي ولي لسه يا ناديه
ناديه خبيرة التجميل خلاص انا بحط اللمسات الا خيرة بنتك بسم الله ما شاء الله مش محتاجه حاجه هي جميله بطبيعتها
ياراالعروسه ميرسي دا من ذوقك
سهاد طب شهلوا يله عشان زمان العريس علي وصول
يارا ماما هي البت ميرا فين
سهاد بتلبس وهتيجي
يارا بس انا مشفتهاش من الصبح
سهاد بتقدم للكليه
يارا الجزمه سيباني وراحه تقدم للكليه دا وقته اما تجيلي الاوزعه دي
ميرا مين الي بيهزقني دا
يارا انا طبعا هيكون مين يعني
ميرا حتي وانتي بتتجوزي بټشتمي نفسي اقص لسانك دا وربنا لسانك طويل قصريه شويه الواد هيطفش منك
يارا مش عاجبه الباب يفوت جمل
ميرا والله
اثناء حديثهم دخلت احدي زميلات يارا لتبارك لها
مها الف مبروك ايويو
يارا الله يبارك فيكي يا قلبي وعقبالك
مها في حياتك يا قلبي وعقبال اما افرح بولادك
يارا بخجل يارب
ميرا الصراحه الباب يفوت جمل برده
مها باب ايه الي يفوت جمل يا ميرا
ميرا اصل الانسه من شويه بقولها تبطل طولت لسان للواد يخلع منها تقولي مش عجبه الباب يفوت جمل ودلوقتي ميرا تقلد يارا يارب ونفسها تجيب عيال اه منكم يا بنات حواء
يارا طب اخلعي بقي انتي من هنا بدل ما هساوي بيكي الارض
ميرا علي ايه يا ستي الطيب احسن
مها هههههههههههههههههههه ېخرب عقلك اجري يا ميرا لتقوملك انتي عرفاها مجنونه وممكن تقوم وتعملها
ميرا طب الحق اخلع انا بقي سلام امها
مهاهههههه انتي واختك مسخره وانا الي كنت مفكرها عقله
يارا يابنتي مفيش حد عاقل في بيتنا دا احنا وارثين الجنان ابا عن جد
مها طب